சன் மியூசிக் சேனலில் தொகுப்பாளராக பிரபலம் ஆனவர் மணிமேகலை. அவர் ஹுசைன் என்ற டான்சரை காதலித்து திருமணம் செய்துகொண்டார். அவர் வேறு மதம் என்பதால் மணிமேகலை வீட்டில் ஒப்புதல் இல்லை. வீட்டை எதிர்த்து தான் மணிமேகலை ஹுசனை திருமணம் செய்துகொண்டார். அந்த நேரத்தில் அவர்கள் மதத்தை வைத்து சமூக வலைத்தளங்களிலும் அதிகம் ட்ரோல்கள் வந்தது.

தற்போது பல வருடங்கள் கழித்து தான் அவரது அம்மா மட்டும் மணிமேகலை உடன் பேச தொடங்கி இருக்கிறாராம்.

மணிமேகலை தான் காதல் திருமணம் செய்த புதிதில் பட்ட கஷ்டம் பற்றி பேசி இருக்கிறார். நான் அம்மா வீட்டில் இருக்கும்போது ஒருரூபாய் கூட செலவு செய்ய மாட்டேன், என் காருக்கு கூட வீட்டில் தான் பெட்ரோல் போடுவார்கள்.

ஆனால் காதல் திருமணம் செய்த ஒரே மாதத்தில் வாழ்க்கை தலைகீழாக மாறிவிட்டது. பணம் மொத்தமும் அம்மா வீட்டில் லாக் ஆகிவிட்டது.

அந்த மாதம் வேலைக்கு சென்றால் தான் சம்பளம் என்ற நிலையில் இருந்தோம். சாப்பாட்டுக்கு கூட வழி இல்லாமல் இருந்திருக்கிறோம். க்ரூப் டான்சரான ஹுசைனுக்கு மாதம் 15 ஆயிரம் வரும், எனக்கும் குறைந்த சம்பளம் தான்.

முதல் மாதமே ஹுசைனின் மோதிரத்தை அடகு வைத்துவிட்டோம். அதை மீட்க வேண்டும் என்பதற்காக தான் நான் முதல் முறையாக ஈவென்ட் ஒன்றிற்கு சென்றேன். அது தான் என்னுடைய முதல் ஈவென்ட்.

அதன் பிறகு ஆசைப்பட்டதை எல்லாம் படிப்படியாக நிறைவேற்றி வருகிறோம். விரைவில் ரோல்ஸ் ராய்ஸ் கார் வாங்க வேண்டும் என்பது தான் ஆசை என மணிமேகலை கண்ணீருடன் பேசி இருக்கிறார்.