டெங்கு, சிக்குன் குனியா நோய் களைப் பரப்பும் கொசுக்கள் பூக்கள் நிறைந்த பகுதியில் உள்ள நீர்நிலைகளில் அதிகம் முட்டையிடுகின்றன என புதிய ஆய்வில் தெரிய வந்துள்ளது. அமெரிக்க வேளாண் துறை, புளோரிடா பல்கலைக்கழக ஆய்வாளர்கள் இணைந்து, ஏடீஸ் அல்போபிக்டஸ் வகை கொசுக்கள் மற்றும் அவை முட்டையிடும் இடங்கள் குறித்து ஆய்வு செய்தனர். பில் காப்மன், திமோதி டேவிஸ் ஆகியோர் இந்த ஆய்வில் ஈடுபட்டனர். ஏடீஸ் வகை கொசுக்கள், மஞ்சள் காய்ச்சல், டெங்கு, சிக்குன் குனியா ஆகியவற்றை பரப்புகின்றன. முட்டைகளை இடுவதற்காக கொசுக்களை பூக்கள் அதிகம் ஈர்ப்பது தெரியவந்துள்ளது. பட்டர்பிளை புஷ் வகை பூக்கள் உள்ள நீர்நிலைகளில் அதிக முட்டைகளை இட்டுள்ளன. இந்த ஆய்வு, கொசு உற்பத்தி யைக் கட்டுப்படுத்த உதவும் என நம்பப்படுகிறது.